ამბავი ფოტოს მიღმა

Wings for Life World Run-ის დროს გადაღებული ზოგიერთი ფოტო იმდენად საინტერესოა, რომ მთელ მსოფლიოს მოივლის ხოლმე. ასე მოხდა ამ ფოტოს შემთხვევაშიც. გაეცანით გასაოცარი ქალის ისტორიას, რომელიც იქცა იმედის ნაპერწკლად ზურგის ტვინის ტრავმის მქონე ადამიანებისათვის თავის მშობლიურ ხორვატიაში. ეს ამბავი კიდევ ერთხელ შეგვახსენებს თუ რატომ დავრბივართ და რატომ არის Wings for Life World Run-ი მნიშვნელოვანი უამრავი ადამიანისათვის.

ქალი მსოფლიო რბენის დროს გადაღებულ ფოტოზე მანდა კნეჟევიჩია. ახალგაზრდობაში მანდა სქოლიოზის მძიმე ფორმით იტანჯებოდა, რის გამოც ადრეულ ასაკში, 16 წლისას, მოუწია ოპერაციის გაკეთება.

„როდესაც ნარკოზიდან გამოვედი, დავინახე, რომ უამრავი ადამიანი იდგა ჩემ გარშემო. ექიმებმა მთხოვეს ფეხი გამემოძრავებინა, მაგრამ ვერ შევძელი,“- იხსენებს მანდა. დღემდე უცნობია თუ სად მოხდა შეცდომა.

რეაბილიტაციის პროცესში ის შეხვედრია არაერთ ადამიანს, რომლებიც ზურგის ტვინის ტრავმის გამო სასოწარკვეთილებაში იყვნენ. „მე ჯერ კიდევ ახალგაზრდა ვიყავი, მაგრამ გადავწყვიტე, რომ ბედნიერი, პოზიტიური ცხოვრებით მეცხოვრა,“- იხენებს მანდა, რომელიც ახლა 66 წლისაა.

მკერდს ქვემოთ მანდა ახლაც პარალიზებულია. იგი ოფისის მოხელედ მუშაობს და პარაპლეგიისა და ტეტრაპლეგიის მქონეთა ასოციაციაც დააფუძნა ხორვატიაში.

„გადავწყვიტე, რომ მნიშვნელოვანი იყო ადამიანების ინფორმირება ზურგის ტვინის ტრავმასთან დაკავშირებით და მათთვის დახმარების გაწევა, რათა თავიანთ ახალ ცხოვრებაში საკუთარი გზა გამოენახათ.“ მანდა და მისი გუნდი პაციენტებს ხშირად სტუმრობს უშუალოდ უბედური შემთხვევების შემდეგ. „ყველაფერი, რაც ზურგის ტვინის ტრავმას უკავშირდება განსაკუთრებით ინტიმურია: შარდ-სასქესო და საჭმლის მომნელებელი სისტემები, სექსუალობა. ეს ის საკითხებია, რომლებიც მნიშვნელოვან პრობლემებად იქცევიან.“

უკვე 50 წელია მანდა ეტლს იყენებს, თუმცა, ყოველდღიურ ცხოვრებაში, უმეტესწილად, არავის დახმარება არ სჭირდება. „მინდა, რომ დამოუკიდებლად დავრჩე. იმედი მაქვს, რომ ადამიანები, რომლებიც ჩემ მდგომარეობაში არიან, შეძლებენ საზოგადოებაში წარმატებით ინტეგრირებას... და რომ განკურნების საშუალებასაც მალე აღმოაჩენენ.“

Wings for Life World Run-ში მანდა ყოველწლიურად მონაწილეობს, რათა შემოწირულობა გაიღოს ზურგის ტვინთან დაკავშირებული კვლევის დაფინანსებაში და დარწმუნდეს, რომ ადამიანები, რომლებსაც ზურგის ტვინის ტრავმა აწუხებთ არ არიან მივიწყებულები. „უკვე იმდენი ხანია ამ ტრავმით ვცხოვრობ, რომ აღარც კი ვიცი თუ რა შეგრძნებაა, როდესაც იატაკს ფეხებით ეხები. თუმცა ღამღამობით კვლავაც მესიზმრება რომ დავდივარ, რაც განსაკუთრებული შეგრძნებაა.“

დაეხმარეთ მანდას ოცნების რეალობად ქცევაში ადამიანებისათვის მთელი მსოფლიოს გარშემო, რომლებსაც ზურგის ტვინის ტრავმა აქვთ. დარეგისტრირდით Wings for Life World Run -ზე, რომელიც 2020 წლის 3 მაისს გაიმართება ან გაიღეთ შემოწირულობა დღეს!