როგორ შევქმნათ საუკეთესო გუნდი მსოფლიო რბენისთვის
გუნდთან ერთად უფრო სახალისოა
უკვე ყველამ იცის, რომ გუნდთან ერთად სირბილი სახალისოა. Wings for Life World Run-ის ემოციების გაზიარება მხარდამხარ თუ კონტინენტის იქით შესანიშნავი შეგრძნებაა.
შეგიძლია შეუერთდე სხვა აპლიკაციით სირბილის ღონისძიებებს, მაგრამ თუ უკვე შერჩეული გაქვს ლოკაცია და გუნდის კაპიტნობაც შენი მოწოდებაა, თავად შექმენი გუნდი.
დაისახე მიზნად ყველაზე მეტი კმ-ს დაფარვა ან წამოიწყე თანხის შეგროვების კამპანია. ირბინეთ ერთნაირი მაისურებით ან გააკვირვეთ მსოფლიო თქვენი გუნდის სახალისო თემატიკით. Florian Neuschwander’s team, Run with the Flow 1000 მორბენლის შეგროვებას აპირებს, შეძლებ მისი რეკორდის მოხსნას?
როგორ შევქმნა გუნდი
-
- შედი ვებ- გვერდზე, შენს გვერდზე
- მენიუში იპოვე „გუნდები“ და დააჭირე მას
- დააჭირე „გუნდის შექმნას“
- დაარქვი სახელი გუნდს, მოიხმე კრეატივი!
- მიზნად დაისახე შესაგროვებელი თანხა, რომელიც ფონდს გადაეცემა. თანხის ოდენობაში არ ხარ შეზღუდული.
- გადაწყვიტე, შენი გუნდი დახურული იქნება თუ ყველასთვის ღია.
- ახლა, როცა გუნდი შექმნილია, ესტუმრე მას და გაწევრიანდი, როგორც მისი კაპიტანი.
- შეგიძლია დაამატო ინფორმაცია ან ამბავი შენი გუნდის შესახებ
- ცხადია, გუნდის ავატარი და პროფილის ფოტოც არ დაგავიწყდეს. აირჩიე რომელიმე ჩვენი ბაზიდან ან დაამატე შენი ალბომებიდან.
- გაუზიარე ყველას- მეგობრებს, კოლეგებს, ოჯახის წევრებს, ყველას, ვისაც შენთან ერთად სირბილი დააინტერესებს.
ეს მხოლოდ 10 წუთს წაგართმევს და სამაგიეროდ, შესანიშნავი მოგონებების დასაწყისად იქცევა. შენი გუნდის წევრებს კი გუნდური მესიჯის გაგზავნითაც შეგიძლია დაეკონტაქტო.
გუნდის შენების ხრიკები
ცეცხლი აინთო, თამაში დაიწყო!
შემატე სიხალისე და გამოწვევები გუნდურ გარბენს. მოიფიქრე ან აირჩიე რომელიმე ჩამონათვალიდან:
- ყველაზე მეტი წევრი გუნდში
- გუნდურად გავლილი ყველაზე მეტი კმ.
- ჩაიცვით სასაცილო ტანსაცმელი
- თან გქონდეს საუთავებელი მაგიდა. ასეც ხდება.
- შეაგროვეთ ყველაზე მეტი თანხა ფონდისთვის
- გუნდში გყავდეს წევრები ყველა რეგიონიდან, ქალაქიდან თუ კონტინენტიდან
- გამოიწვიე სხვა გუნდები ან კომპანიის დეპარტამენტები
გამოიყენე სთორები, რილსი და ვიდეოები
სთორები, რილსი და ვიდეოები, ლაივები და სხვა კაპიტნების გამოწვევა- ამ ყველაფერმა შეიძლება უფრო მეტი ადამიანი დააინტერესოს. არ დაგავიწყდეს, შენი გუნდის წევრების დათაგვაც.
გააზიარე გუნდური ფოტო
გააზიარე გუნდური ფოტო, მითაგე ყველა ვინც უკვე არის შენს გუნდში და ვინც გინდა, რომ შენი გუნდის წევრი გახდეს.
გაამხნევე გუნდის წევრები
გამხნევება მნიშვნელოვანია და უფრო მნიშვნელოვანია, რომ შენი გუნდის წევრების აზრი იცოდე. რა სურთ მათ? სხვა გუნდის გამოწვევა ხომ არ უნდათ? მიზნის დასახვა ხომ არ სჭირდებათ, მოტივაციისთვის? თუ ვინმეს მხიარული კოსტიუმის იდეა აქვს? მოუსმინე მათ, ეს მხოლოდ გააერთიანებს შენს გუნდს.
გუნდის პერსონიფიკაცია
ერთნაირი ჩასაცმელი- მაისური, კეპი თუ აქსესუარი უფრო დაგაახლოვებთ გუნდის წევრებთან. შეიძლება სახეც მოიხატოთ. ყველა ამ ხერხით, რბენის სხვა წევრებისგან ისე გამოირჩეოდეთ, რომ გუნდის უცნობმა წევრებმაც კი იპოვონ ერთმანეთი.
