თქვენ თქვენს თავს აჯობეთ, მსოფლიო რბენის მონაწილეებო!
ახლა უკვე, როცა 9 მაისის ღირსშესანიშნავი ღონისძიება უკან მოვიტოვეთ, დროა თქვენზე, Wings for Life World Run-ის მონაწილეებზე შევაჩეროთ ყურადღება. წელს თქვენ ყველა რეკორდი მოხსენით - 2021 წლის მსოფლიო რბენაზე ჯამში 184,236-მა სუპერვარსკვლავმა მონაწილემ ირბინა. ერთად თქვენ სირბილით, სიარულით, ძუნძულით თუ ეტლით გადაადგილებით შეხვედით ისტორიაში და ყველაზე მასშტაბურ გარბენში მიიღეთ მონაწილეობა.
თქვენ სიცხეში (დავაფასოთ ბერძნების თავდადება), წვიმასა (არც საქართველო გამოგვრჩეს) და თოვლში (ნორვეგიამ იმედები არ გაგვიცრუა) ჩვენს მხარდამხარ დარბოდით. და ამას თქვენ წამითაც არ შეუჩერებიხართ.
აზიისა და ოკეანეთის სანაპიროებიდან დაწყებული, ამერიკის დასავლეთ სანაპიროთი დასრულებული - თქვენი, მსოფლიო რბენის მონაწილეების მაშუქები სარბენ მარშრუტს მკაფიოდ ანათებდა. თქვენი სულისკვეთება კი ორმაგად ბრწყინავდა.
ზოგიერთ თქვენგანს გაუმართლა და მეგზურთან ერთად ირბინა; თუმცა თქვენ არც სოლო რბენის შემთხვევაში იყავით მარტონი. სამხრეთ აფრიკის ცარიელ სასოფლო გზაზე მარტოდმარტო მორბენალი ტომას ვან ტოდნერი მსოფლიოს აუდიო გამოცდილებით უკავშირდებოდა.
“გარშემო არავინაა - მაგრამ ყველა ჩემს გვერდითაა,” - გვითხრა შემართებით მორბენალმა ტომასმა და ყურსასმენებზე მიუთითა. “საოცარია!”
თქვენი რბენის პარალელურად ჩვენ მოვინახულეთ ქალაქების ურბანული პეიზაჟები და ტყეები, ოკეანეები და უდაბნოები, მთის მდელოები და პალმის მოქანავე ხეები. ზოგიერთმა თქვენგანმა თქვენს ძაღლებთან ერთად ირბინა, ზოგმა კი მობალახე ჟირაფებსაც კი ჩაურბინა. ალპებში კი, ეს მოხდა:
თქვენ ჩვენ შთაგვაგონეთ. ისევე, როგოც შთაგვაგონა ნიდერლანდებში დატრიალებულმა ამბავმა, სადაც Wings for Life-ის მიერ დაფინანსებული ინოვაციური კლინიკური კვლევის მონაწილე გერტ-იან ოსკამი საკუთარი ეტლიდან წამოდგა და 100-ზე მეტი მეტრი ელექტრული სტიმულაციის დახმარების გარეშე გაიარა.
თქვენ ჩვენს გულებს შეეხეთ. ისევე, როგორც შეეხო გერტ-იანის თანამემამულე, იდვერ ვან დერ ჰეიდე, რომელმაც ზურგის ტვინის დაზიანებიდან სამი თვის თავზე ეტლით 2 კილომეტრი გაიარა და ახლობლებს სიხარულის ცრემლები მოჰგვარა.
მათ მსგავსად, თითოეულ თქვენგანს საკუთარი მიზეზი ჰქონდა რბენაში მონაწილეობისთვის. თქვენ ირბინეთ და ეტლით შემოგვიერთდით საკუთარი პირადი ფიტნეს მიზნებისთვის. თქვენ ეს ოჯახის წევრების, მეგობრებისა და ყველა იმ ადამიანისთვის გააკეთეთ, რომლის ცხოვრებაც ზურგის ტვინის დაზიანებამ შეცვალა. თქვენ სიყვარულითა და გულით ცალ-ცალკე, მაგრამ გაერთიანებულებმა ირბინეთ.
ბოლოს კი, როდესაც ფინიშის მანქანა დაგეწიათ, თქვენ ხტუნავდით, იცინოდით, მხიარულობდით, სახეებიდან კი ღიმილი არ გშორდებოდათ.
ჯამში თქვენ 1,656,841 კილომეტრი დაფარეთ. თქვენ მიერ შეგროვებული 4.1 მილიონი ევრო კი იმას ნიშნავს, რომ ზურგის ტვინის მკვლევრები განკურნების საშუალებას კიდევ ერთი ნაბიჯით მიუახლოვდნენ.
გთხოვთ
და ასე განაგრძეთ!
