მსოფლიო რბენის 184 236 მონაწილის ახალი რეკორდი
კვირას, 9 მაისს 184 236 მსოფლიო რბენის მონაწილე ერთი მიზნით, ზურგის ტვინის დაზიანების განკურნების გზების საძიებლად შეიკრიბა.
ეს ახალი რეკორდია, რადგან სწორედ ამდენივე ადამიანი გახდა სირბილის ფინიშერი. უფრო მნიშნველოვანი კი მათ მიერ შეგროვებული 4.1 მილიონი ევროა, რომელიც სრულად ხმარდება ზურგის ტვინის დაზიანების განკურნების კვლევებს.
„ სიტყვები არ მყოფნის. მონაწილეთა ასეთ აქტიურობაზე ვერც ვიოცნებებდით. რაც შემიძლია ვთქვა, ეს არის: მადლობა ყველა მონაწილეს.“- ამბობს ანიტა გერჰარდტერი, Wings for Life-ს აღმასრულებელი დირექტორი. „ჩვენ ერთად შევაგროვეთ დიდი თანხა, რომელიც ზურგის ტვინის დაზიანების განკურნების კვლევებს მოხმარდება.“
უნიკალური ფორმატი და აპლიკაციის ხმოვანი ფუნქცია მორბენლებსა და ეტლით მოსარგებლეებს ერთმანეთთან აკავშირებდა. ჩვენი მონაწილეები აქტიურობდნენ სხვადასხვა სოციალურ ქსელებზე, განსაკუთრებით კი Twitter-სა და Instagram-ზე.
სირბილის დასრულების შემდეგ კი, ახალი ინფორმაციაც გაჟღერდა: მომავალი Wings for Life World Run 2022 წლის 8 მაისს ჩატარდება და რეგისტრაციაც უკვე დაიწყო !
სპორტული კუთხით კი, სირბილი მართლაც გამორჩეული იყო. ვირტუალური ფინიშის მანქანის წინ 66,8 კმ ეტლით დაფარა არონ ანდერსონმა, რომლისთვისაც ეს მესამე მსოფლიო გამარჯვება იყო. ნინა ზარინასთვისაც, 60,2 კმ, 2019 და 2020 წლის შემდეგ, მესამე მსოფლიო გამარჯვება მომტანი გახდა. 2021 წლის მონაწილეებმა საშუალოდ 12,3 კმ დაფარეს.
„ჩემთვის, ზურგის ტვინის დაზიანების მქონე ადამიანისთვის, ძალიან ამაღელვებელია, რომ 180 000-ზე მეტმა ადამიანმა მოინდომა დახმარებოდა ფონდს ზურგის ტვინის დაზიანების განსაკურნებლად.“- აარონ ანდერსონი, მსოფლიო რბენის 2017, 2018 და 2021 წლის გამარჯვებული. „ეს ღონისძიება ძალიან მაბედნიერებს და მიხარია, რომ მისი ნაწილი ვარ. დიდი მადლობა ყველა სხვა მონაწილეს, რადგან ძალიან მნიშვნელოვან საქმეს აკეთებთ“.
მერვე Wings for Life World Run სავსე იყო ლამაზი ეპიზოდებით: მონაწილეები დარბოდნენ მარტო ან პატარა ჯგუფებად. მზიან ამინდსა და თოვლით დაფარული მთების პეიზაჟზე, ოკეანის გასწვრივ მზის ჩასვლისას. ერთი მონაწილის სირბილს აფრიკაში ჟირაფებიც კი აკვირდებოდნენ. ამინდიც განსხვავებული იყო: წვიმა ირლანდიაში, ესპანეთსა და საქართველოში, თოვლი- ნორვეგიაში, თაკარა მზა კი საბერძნეთში.
რამდენი კმ დაფარე? სად ირბინე? გაგვიზიარე შენი ამბავი რომელიმე სოც. ქსელში: Facebook, Twitter და Instagram.
არ დაგავიწყდეს 2022 წლის რბენაზე რეგისტრაცია.
