შეუერთდი გუნდს და უფრო მეტად გაერთე!
რბენამდე 4 კვირით ადრე 2 500 გუნდი უკვე დარეგისტრირდა. ეს რიცხვი წინა წლის აპრილის მონაცემთან შედარებით 600 -გუნდით მეტია. წელს, როგორც ჩანს, გუნდურად სირბილი უფრო პოპულარულია.
და კარგად გვესმის, რომ პანდემიის პირობებში, დახურული ოფისის, ონლაინ სწავლების პარალელურად, ჩვენ ყველას ძალიან მოგვენატრა ერთ გუნდად ყოფნა და ერთმანეთის გამხნევება.
დაათვალიერე გუნდების სია და აირჩიე, რომელს შეუერთდები. პროცესი ძალიან მარტივია.
VIP გუნდები
ყოფილ და ახლანდელ ტოპ ათლეტებს თავიანთი გუნდები ჰყავთ. მათ შორის არიან ყოფილი მსოფლიო ჩემპიონი თხილამურით სრიალში გერმანელი ფელიქს ნოიროთერი და ავსტრიელი მარსელ ჰირშერი. ავსტრიელმა ჰოკეისტმა თომას რალფმა და ყოფილმა ათლეტმა უოლფგანგ „კოვალსკი“ მაირმა საერთო გუნდი Team Raffl/Kowalski შექმნეს. ულტრამარათონელი სამხრეთ აფრიკელი რაიან სანდერსი SUUNTO-ს გუნდის კაპიტანია. მისი გუნდის წევრია ველოსიპედისტი ემილ იოჰანსონი და ავსტრიელი პარაპლანისტი პოლ გუშლბაუერი.
Ryan Sandes / Team Suunto
კორპორატიული გუნდები
გინდა რომელიმე კომპანიასთან ერთად ირბინო? დიდი კომპანიებიც აორგანიზებენ გუნდურ სირბილს: Google, მანქანათმშენებელი Audi და Volkswagen, მედია კომპანია Sky, Suunto - საათების მწარმოებელი და რბენის პარტნიორი და KTM, მოტოციკლეტების და სპორტული ავტომობილების მწარმოებელი ავსტრიული კომპანია.
გუნდები დიდი მიზნით
ზოგი გუნდის მიზანი თანხის შეგროვება ან რეკორდულად დიდი მანძილის დაფარვაა. გუნდმა Red Bull USA & Canada მიზნად დაისახა ფონდისთვის 10 000 დოლარის შეგროვება. ამჟამად, გუნდში 1942 მორბენალია გაწევრიალებული, მათ 80 000 დოლარი უკვე შეაგროვეს. ულტრამარათონელ ფლო ნოუშვანდერს, რომელმაც 100 კმ სარბენ ბილიკზე ირბინა და რეკორდიც მოხსნა, მიზნად აქვს დასახული, რომ მისმა გუნდმა ყველაზე ბევრი ირბინოს და ამისთვის 834 ადამიანი უკვე გააწევრიანა საკუთარ გუნდში.
Flo Neuschwander / Team run with the flow
გუნდური სირბილი ერთი ადამიანისთვის
Team Torsten 68 ადამიანს აერთიანებს და კაპიტნის ტორსტენ ნოიმაიერის საპატივცემულად შეიქმნა, რომელმაც 2018 წელს მთაზე ცოცვისას ზურგის ტვინის დაზიანება მიიღო. „ამ გუნდის შექმნის მიზანი ისაა, რომ მეგობრების, ოჯახის წევრების და კოლეგების დახმარებით Wings for Life -ს დაფინანსებულ კვლევებს ხელი შევუწყოთ, რომ ერთ დღეს, მე თავად შევძლო სირბილი.“- ამბობს გუნდის კაპიტანი.
შენი გუნდი
შეგიძლია გაწევრიანდე ნებისმიერ გუნდში, მაგრამ რა უნდა ქნა, თუ გსურს რომ მხოლოდ შენს მეგობრებთან ან კოლეგებთან ერთად ირბინო? ამ შეკითხვაზე პასუხი მარტივია: თავად უნდა შექმნა შენი გუნდი. გადმოწერე აპლიკაცია, დარეგისტრირდი 9 მაისის რბენაზე, შექმენი გუნდი, მოიწვიე მეგობრები და მზადაა! დაიწყე ახლავე.
