სირბილი წარმოუდგენლად კარგია. ეს უკვე ფაქტია.

2014 წლის შემდეგ Wings for Life World Run -ის მონაწილეებმა დედამიწიდან მთვარემდე მანძილი რვაჯერ დაფარეს. ვიფიქრეთ, საინტერესო იქნებოდა დედამიწის გარეთ გაგვეტანა საუბარი და NASA-სა და ESA-ს ექსპერტებისგან გაგვეგო, როგორ მოქმედებს კოსმოსში მოგზაურობა ჩვენს სხეულზე და რა უნდა ვისწავლოთ დედამიწის მცხოვრებლებმა ამისგან.

ევროპის კოსმოსური სააგენტოს ყოფილი ფიზიოლოგი ექიმი რებეკა ფორსი და მისი ტყუპი და კეტრინ ფორსი წლების განმავლობაში სწავლობდნენ ასტრონავტებზე კოსმოსის გავლენას. მათ აღმოაჩინეს, სირბილის გასაოცარი ეფექტი რაც აუცილებლად აგიმაღლებთ მოტივაციას, 3 მაისის შემდეგაც, კი.

გაექეცი დაბერებას

„კოსმოსში ფრენა დაბერებას აჩქარებს“- ამბობს რებეკა. „მიკრო გრავიტაციის პირობებში ცხოვრების შედეგად, ჯანმრთელი ასტრონავტებიც კი კარგავენ კუნთის ქსოვილებს, ძვლის სიმკვრივესა და ბალანსს. რაც უფრო დიდხანს ჩერდებიან კოსმოსში, მით უფრო უარესდება მდგომარეობა“.

„და როგორც მიკრო გრავიტაცია მოქმედებს ასტრონავტებზე, ჩვენი სხეულიც ბერდება, როცა უფრო დიდხანს ვსხედვართ და ცოტას ვმოძრაობთ,“- ამბობს კეტრინი. „ასაკის მატებასთან ერთად, ვკარგავთ კუნთის მასას და ძვლების სიმკვრივეს, მაგრამ სირბილი ორივეს აძლიერებს და შენს სხეულს ფორმაში ამყოფებს“.

ტყუპმა დებმა ეს ყველაფერი კარგად იციან, რადგან ორივე ფრისბის საერთაშორისო ჩემპიონატში მონაწილეობს.  „44 წლის ასაკშიც კი, ახალგაზრდულად ვგრძნობ თავს. მადლობა, მეცნიერებას!“- ამბობს კეტრინი.

ირბინე, რომ გაავარჯიშო ტვინი

კარგი ამბავი ისაა, რომ სირბილი კარგია შენი გონებისთვის. „რაც აღმაფრთოვანებს, სენსომოტორული კონტროლია. სირბილისას ჩვენი სხეული და გონება უფრო მეტ ინფორმაციას იღებს გადასამუშავებლად. სიარულისას საკმარისი დრო გვაქვს  გარემოს შესაცნობად და რეაქციები ნელია. სირბილისას კი, დრო მცირეა და რაც უფრო სწრაფად დავრბივართ, მით უკეთესად მუშაობს სენსომოტორული კონტროლი და უფრო ძლიერდება ტვინიც.“ - ამბობს კეტრინი

ირბინე ბალანსის შესანარჩუნებლად...

... როგორც მენტალური, ისე ფიზიკური!

NASA-ში კეტრინის გუნდი იკვლევდა რამდენად ინარჩუნებდნენ ასტრონავტები ბალანსს დედამიწის გრავიტაციის პირობებში. პასუხია - არც ისე კარგად.

„დაბრუნების შემდეგ, მათი ბალანსი იმდენად ცუდია, რომ თვეების განმავლობაში არ აქვთ უფლება მართონ მანქანა. წარმოიდგინეთ, დაფრინავენ კოსმოსური ხომალდით, დადიან კოსმოსში და არ აქვთ მანქანის მართვის უფლება,“- ამბობს რებეკა.

კეტრინი ეთანხმება დას: „სხეულს გააჩნია ადაპტაციის უნარი, ძირითადად, ტერფების მეშვეობით, რომელთა დახმარებით შევიგრძნობთ რამდენად მყარი ან სრიალაა ზედაპირი და შესაბამისად,  ვახდენთ ადაპტირებას გარემოსთან და არ ვეცემით.“

ივარჯიშე, იცეკვე და დალაშქრე მთები...

კეტრინს უყვარს გორაკებზე სირბილი, რადგან ეს მის სხეულს ეხმარება იფიქროს სხვანაირად, რადგან ამ დროს უფრო დიდი დატვრითვა ადგებათ კუნთებს, ვიდრე ჩვეულებრივი სირბილისას.

„ჩვენ ვსხედვართ, ვდგებით, დავდივართ და დავრბივართ, ეს კი ერთი კატეგორიის მოძრაობაა. ჩვენ უნდა ვიცეკვოთ, ვივარჯიშოთ, რომ სხეული ვაიძულოთ ეფექტურად ადაპტირდეს გარემოსთან“.

კარგი ამბავი ის არის, რომ ორივე, კეტრინიც და რებეკაც ფიქრობს, რომ სირბილი ძალიან კარგია. ამიტომ, აირჩიე შენი სარბენი გეგმა, რომელიც „Runner’s World Germany“-მ შექმნა. მოემზადე ფინიშის მანქანასთან შესახვედრად.