77000-ზე მეტმა ირბინა ზურგის ტვინის დაზიანების განსაკურნებლად
კვირას 104 ქვეყნის 77103 მონაწილე ერთი მიზნით გაერთიანდა: მათ შეძლეს ის, რაც ერთი შეხედვით, მიმდინარე მოვლენების გამო, წარმოუდგენელი იყო. ზურგის ტვინის დაზიანების განკურნების გზების საძიებლად ინდივიდუალური აპლიკაციით მორბენლებმა 2.8 მილიონი ევროს მობილიზება მოახერხეს.
„ბოლო რამდენიმე კვირაა ყველას შეგვეხო შეზღუდვები, ახლა ყველაფერი უკეთესობისკენ მიდის. ზურგის ტვინის დაზიანების მქონდე ადამიანები ისედაც მსგავს შეზღუდვებში ცხოვრობენ. ისინიც, ჩვენსავით, ოცნებობენ თავისუფლების დაბრუნებაზე და საყვარელი საქმეების შესრულებაზე.“ - ამბობს Wings for Life-ს აღმასრულებელი დირექტორი ანიტა გერჰარდტერი. „დღეს 77 000- ზე მეტი ადამიანი გაერთინდა ერთი მიზნით და იმედით, რომ ერთ დღესაც ამ შეზღუდვას ბოლო მოეღება. მადლობა მათ, რომ კიდევ ერთი ნაბიჯით მივუახლოვდით მიზანს“.
ზუსტად 11:00 UTC საათზე, 171 ეროვნების ადამიანმა ირბინა ინდივიდუალურად, აპლიკაციით. ავსტრიიდან ავსტრალიამდე, ტანზანიიდან ტაივანამდე, ისინი არსებული შეზღუდვების გათვალისიწნებით დარბოდნენ. აპლიკაციამ მორბენლებს საშუალება მისცა ერბინათ ინდივიდუალურად, მათთვის ნაცნობ გზებზე, სანამ ვირტუალური ფინიშის მანქანა დაეწეოდათ.
წელს გლობალური გამარჯვებულის ტიტული ბრიტანელ მაიკლ ტეილორს დარჩა, რომელმაც ორგზის გლობალურ გამარჯვებულს აარონ ანდერსონს აჯობა. ტეილორმა 69,93კმ ირბინა. ნინა ზარინამ, უკვე მეორედ შეძლო გლობალური გამარჯვებულის ტიტულის მოპოვება 54,23კმ-ით. მას 3 კმ-ით ჩამორჩა 2017 წლის გლობალური ჩემპიონი, დომინიკა სტელმახი.
ლინდსი ვონის, საუკეთესო მოთხილამურე ქალის კომენტარი: „საოცარია, რომ ამდენი ადამიანი გააერთიანა Wings for Life World Run-მა. ეს არც ერთ მარათონს ჰგავს. უამრავი ღონისძიება გაუქმნდა და მსოფლიო რბენამ კი ყველა, ერთი მიზნით, გაგვაერთიანა“.
კიდევ ერთმა სამთო-სათხილამურო სპორტის ლეგენმდამ, ავსტრიელმა მარსელ ჰირშერმაც მიიღო მონაწილეობა მსოფლიო რბენაზე: „სასიამოვნო Wings for Life World Run-ში მონაწილეობა. აპლიკაციით სირბილი ახალი და სახალისო გამოცდილება იყო ჩემთვის. რაღაც განსაკუთრებული იყო იმის გააზრება, რომ 77 000 ადამიანმა ერთდროულად დაიწყო სირბილი.“
„Wings for life World Run საოცარი რამ არის. ემსახურება ძალიან კარგ მიზანს და მე მჯერა, რომ ერთ დღესაც, ვიპოვით ზურგის ტვინის დაზიანების განკურნების გზებს. ეს იქნება სენსეცია და დიდი დღე ისტორიაში“- ამბობს დომინიკ ტიემი, მსოფლიოს #3 ჩოგანი.
ვებგვერდზე, სადაც პირდაპირ ეთერში გადაიცემოდა რბენის შედეგები და მონაწილეების პოსტები, კომენტატორის როლს კოლინ ჯექსონი, პროექტის საერთაშორისო სპორტულ დირექტორი, ასრულებდა.
„ის, თუ როგორ გამოიყენა ყველამ სირბილის შესაძლებლობა გასაოცარია. ეს ნიშნავს, რომ ხალხს ერთმანეთთან კონტაქტი და აქტიური ცხოვრება ენატრება. ასევე, ყველას აქვს ძლიერი სურვილი აკეთოს მხოლოდ კარგი. სპორტული კუთხით კი, მაიკლისა და ნინას მაგალითი, გასაოცარია. ეს იყო განსაკუთრებული დღე“- ამბობს კოლინი.
2020 წელს მსოფლიო რბენის გლობალური პარტნიორი იყო 4F, სპორტული ტანსაცმლის ბრენდი.
ჩაინიშნეთ, მერვე Wings for Life World Run 2021 წლის 9 მაისს გაიმართება.
2020 წლის სამეული
კაცები:
- მაიკლ ტეილორი (დიდი ბრიტანეთი) 69.92კმ
- აარონ ანდერსონი (შვედეთი) 68.15კმ
- დარიუს ნოზინსკი (პოლონეთი) 67.1კმ
ქალები:
- ნინა ზარინა (რუსეთი) 54.23კმ
- დომინიკა სტელმახი (პოლონეთ) 51.23კმ
- მარტინა კანტორი (პოლონეთი) 50.8 კმ
