Wings for Life-ის მსოფლიო რბენაზე პირადი მიღწევის შემდეგ, ზურგის ტვინის დაზიანების მქონე პაციენტი დავიდ მზი ამჯერად ციურიხის Weltklasse-ის ფინიშის ხაზს კვეთს
ციურიხის Weltklasse შეჯიბრს მძლეოსნობაში წინ უძღოდა განსაკუთრებული მომენტი, როდესაც ბარიერებით სირბილში ლეგენდარულმა სპორტსმენმა კოლინ ჯეკსონმა და დავიდ მზიმ, რომელსაც უკვე წლებია ზურგის ტვინი აქვს დაზიანეული, ლეტციგრუნდის სტადიონზე სიარულით ერთობლივად გადაკვეთეს ფინიშის ხაზი. მათი როგორც Wings for Life World Run-ის მხარდამჭერების საბოლოო მიზანი, მსოფლიოს გარშემო ათასობით ადამიანის მსგავსად, ზურგის ტვინის ტრავმის დამარცხებაა.
გასულ მაისში, რიგით მეექვსე Wings for Life World Run ემოციურად და შთამაგონებლად გაიხსნა, როდესაც ცუხში, შვეიცარიაში, დავიდი თავისი ეტლიდან წამოდგა, სტარტის ხაზი გადაკვეთა და 390 მეტრი გაიარა, ვიდრე ღონისძიების ტრადიციული ფინიშის მანქანა დაეწეოდა. ყოველ წელს, მორბენლები, ისევე როგორც ეტლით მოსარგებლეები, მონაწილეობას იღებენ გარბენში, რომელიც მთელი პლანეტის მასშტაბით ერთდროულად იწყება. დასწრების საფასურისა და შემოწირულობების 100% ზურგის ტვინის ტრავმის უახლეს კვლევებს ხმარდება, რომელსაც არაკომერციული ფონდი Wings for Life აფინანსებს. მათ შორის ამ თანხით დაფინანსდა კლინიკურ ცდებში დაფიქსირებული უდიდესი გარღვევა შვეიცარიაში, რამაც უმნიშვნელოვანესი წინსვლა მოიტანა დევიდისა და სხვა პაციენტებისათვის.
ციურიხში გამართული Weltklasse-ის ღონისძიება იდეალური შესაძლებლობა იყო, რათა დავიდი შეხვედროდა კოლინს, წამყვან ფიგურას სპორტულ საზოგადოებაში. თავისი ბრწყინვალე კარიერის განმავლობაში მან არაერთგზის დაამყარა რეკორდი, მოიგო ოლიმპიური ვერცხლის მედალი, სამი მსოფლიო ჩემპიონატი და 12 ევროპული გვირგვინი ზედიზედ.
გარდა ამისა, უკვე დიდი ხანია, კოლინი ასევე გახლავთ Wings for Life World Run -ის საერთაშორისო სპორტული დირექტორი. მან და დევიდმა მალევე გაუგეს ერთმანეთს და ერთად გადაკვეთეს ფინიშის ხაზი, სადაც მოკლე ხანში წამყვანი სპორტსმენები დაიწყებდნენ ბრძოლას გამარჯვებისათვის. (1986 წელს, თავად კოლინს ცოტა დააკლდა ციურიხის Weltklasse-ის შეჯიბრზე ოქროს მოპოვებამდე და მეორე ადგილი დაიკავა იმ დროისათვის ელიტურ სპორტულ სცენაზე ახლად გამოჩენილმა 19 წლის სპორტსმენმა). ეს გახლდათ სიმბოლური ჟესტი: კოლინი წარმოადგენდა Wings for Life World Run-ის სპორტულ მხარეს, ხოლო დავიდი განკურნების საშუალების მიგნების იმ იმედის განსხეულება გახლდათ, რომელსაც ეს საქველმოქმედო ღონისძიება აძლევს ადამიანებს, რომელთაც ზურგის ტვინის ტრავმა აწუხებთ.
შეუერთდით კოლინსა და დავიდს სტარტის ხაზთან მომდევნო Wings for Life World Run-ზე, რომელიც 2020 წლის 3 მაისს გაიმართება. როგორც ყოველთვის, მონაწილეობის საფასურის 100% ზურგის ტვინთან დაკავშირებულ კვლევებს მოხმარდება. ამ თემაზე მეტი ინფორმაციისა და რეგისტრაციისათვის იხილეთ ბმული www.wingsforlifeworldrun.com .
