Wings for Life World Run-ის წყვილი: განსხვავებული ხედვა

კეილინი და რაიანი დაქორწინებული სპორტული წყვილია ნეშვილიდან. შემდეგი 100 დღის განმავლოაში ჩვენ შევუერთდებით მათ და ვნახავთ, თუ როგორ ემზადებიან Wings for Life World Run 2023-ისთვის. აქ ისინი გვაჩვენებენ, თუ როგორ მუშაობენ ერთად თავიანთი განსხვავებული მიზნების მისაღწევად.

---

წლევანდელი Wings for Life World Run-ი განსაკუთრებულია: უკვე მეათედ ჩატარდება ღონისძიება და ხალხი მთელი მსოფლიოს გარშემო ირბენს კეთილი მიზნისთვის. ჩვენ გვაქვს შესაძლებლობა, რომ პირველად შევუერთდეთ მორბენალ წყვილს. ისინი მომზადების პრინციპებით ძალიან განსხვავდებიან ერთმანეთისგან. კეილინი და რაიანი, ჩვენი ‘Wings for Life World Run-ის წყვილი’, გამოიყენებს Facebook-ისა და Instagram-ის გვერდებს, რომ გაგვიზიარონ, თუ როგორ ვარჯიშობენ, იღდგენენ ძალებს და დგებიან ფორმაში 100 დღის განმავლობაში. რატომ? "არაფერია იმაზე კარგი შეგრძენბა, ვიდრე საკუთარ თავს დაუსახო რთული მიზანი და შემდეგ მიაღწიო მას", - ამბობს რაიანი.

"ჩვენ იმედი გვაქვს, რომ სხვებს მაგალითს მივცემთ და შემოგვიერთდებიან."

ინდივიდუალური მიზანი

კეილინი 27 წლისაა, ხოლო რაიანი 28-ის. მათ ძალიან უყვართ ვარჯიში: კეილინი ლახტზე მოხტუნავეა, რაიანი კი გამძლეობითი მორბენალი. ისინი ერთმანეთს მარტინ მეთოდისტის კოლეჯში შეხვდნენ და უკვე ხუთი წელია დაქორწინებულები არიან.

7 მაისს ისინი პირველად მიიღებენ მონაწილეობას Wings for Life World Run-ზე: "ღონისძიების ფორმატი იდეალურია ჩვენთვის, როგორც წყვილისთვის. ჩვენ შეგვიძლია ერთად ვივარჯიშოთ და მივიღოთ მონაწილეობა რბენაში, მიუხედავად იმისა, რომ სპორტის სხვადასხვა სახეობაში ვართ და გვაქვს განსხვავებული მიზნები“, - ამბობს კეილინი. მისი მიზანია, რომ გაიაროს 5 კილომეტრი (3.1 მილი) სანამ ვირტუალური ფინიშის მანქანა დაეწევა.

მის მეუღლეს, რაიანს, სურს 29 კილომეტრის დაფარვა (18 მილი). ის დაიბადა ახალ ზელანდიაში და ფეხბურთის სტიპენდიის მინიჭების შემდეგ საცხოვრებლად აშშ-ში გადავიდა. ის ნახევრად პროფესიონალურ ფეხბურთს თამაშობდა კენტერბერი იუნაიტედში, ახალ ზელანდიაში და ნეშვილში. ახლა ის მუშაობს გაყიდვებისა და მარკეტინის განხრით და სამუშაო დღის დიდ ნაწილს მაგიდასთან ატარებს: "როცა ოფისში არ ვზივარ, ვცდილობ, გარეთ ვივარჯიშო და ცხოვრებით დავტკბე."

ვარჯიშის სიყვარული

რაიანი 2 წელია რაც გამძლეობითი სირბილით დაინტერესდა. მან იასპარეზა სამ მარათონზე თავისი პერსონალური მაქსიმუმით - სამი საათი და 13 წუთი: „მე დავისახე ჩემი მიზანი 2023 წლისთვის, რომ დისტანცია სამ საათზე ნაკლებ დროში დამეფარა. Wings for Life World Run-ი არის შესანიშნავი შესაძლებლობა ჩემი თავის გამოსაცდელად და ასევე სახალისო გამოცდილებაა, ირბინო ადამიანებთან მთელი მსოფლიოს გარშემო."

კაილინის გეგმა არის, რომ 2023 წელს გაირბინოს 1000 მილი: "ეს უპირველეს ყოვლისა ეხება ვარჯიშის მიმართ ჩემს სიყვარულს. მე თავს ბევრად უკეთესად ვგრძნობ, როცა ფიზიკურად აქტიური ვარ. Wings for Life World Run-ში მონაწილეობით მსურს, რაც შეიძლება მეტ ადამიანს მივცე მოტივაცია, რომ გააქტიურდნენ და მხარი დაუჭირონ ამ დიდ საქმეს.”

ვარჯიშის პარტნიორები

კეილინი ამბობს, რომ ის, ბუნებრივია, ვერ შეძლებს რაიანს ფეხი აუწყოს ინტენსიური ვარჯიშების დროს, "მიუხედავად იმისა, რომ ახალგაზრდობაში მორბენალი ვიყავი. ის უბრალოდ ძალიან სწრაფია ჩემთვის." ამის მიუხედავად, საზოგადოების ჩართულობის სპეციალისტი მაინც მოუთმენლად ელის, რომ ბევრ დროს გაატარებს თავის „ქმართან და საუკეთესო მეგობართან“ ვარჯიშის დროს: „ჩვენ ორივე მივხედავთ ჩვენს დიეტას და ვიზრუნებთ გუნდზე, რომელსაც შევუერთდებით Wings for Life World Run-ზე." კეილინი ყოველდღიურად მუშაობს გამძლეობაზე ლახტზე ხტუნვით, მინიმუმ ოცდაათი წუთის განმავლობაში. ის ამბობს, რომ მეუღლესთან ერთადაც გააკეთებს ძალის ვარჯიშებს: „და ძალების აღდგენის დღეებში ჩვენ ერთად ვისერინებთ ხოლმე."

ხელის შემშლელი ფაქტორები

კაილინს არ სურს, რომ რაიმემ ხელი შეუშალოს საკუთარი მიზნის მისაღწევად: "ჩვენ ველოდებით ცუდ ამინდებს ნეშვილში მომდევნო რამდენიმე კვირის განმავლობაში. მაგრამ ჩვენ არ მივცემთ უფლებას პოტენციურ ტორნადოებსა და წყალდიდობებს შეგვაჩეროს. ჩვენ სახლში გვაქვს პატარა სავარჯიშო დარბაზი, შიდა ველოსიპედებით და სარბენი ბილიკით რაიანისთვის.” კაილინი ასევე ამბობს, რომ ახლოს აქვთ სავაჭრო ცენტრი: "ეს კარგი ალტერნატივაა იმისთვის, თუ ოდესმე ვერ შევძლებ ჩემი ყოველდღიური სირბილის შესრულებას ღია ცის ქვეშ."

წყვილი აღფრთოვანებულია Wings for Life World Run-ზე საკუთარი დებიუტით. თუმცა, როგორც კეილინი ამბობს, რბენამდე100 დღე მხოლოდ დამღლელი კი არა, სასიამოვნოც უნდა იყოს: „მიმაჩნია, რომ სასარგებლოა პროცესის დასაწყისში მიზნის დასახვა: თავს უკეთ ვგრძნობ, როცა ვხედავ, რომ ყოველდღე ერთი ნაბიჯით ვუახლოვდები ჩემს მიზანს - და რომ ამით, მუდმივად ვძლიერდები."

შენ შეგიძლია ნახო წყვილის მზადებისა და ვარჯიშის პროცესი სთორებზე ყოველ ხუთშაბათს, მომდევნო 14 კვირის განმავლობაში ჩვენს ინსტაგრამსა www.instagram.com/wflworldrun და ფეისბუქზე www.facebook.com/WingsForLifeWorldRun.

შემოუერთდი Wings for Life World Run-ს კაილინისა და რაიანის გუნდში!