„ცალსახად მიზანს ვუახლოვდებით“: 2019 წლის მსოფლიო რბენის მნიშვნელოვანი მომენტები

120 000 გულანთებულ სუპერგმირთან ერთად, რომლებიც ბედნიერ და იმედიან განწყობას ქმნიდნენ მთელი 1 103 276 კმ-ის მანძილზე, რიგით მე-6 Wings for Life World Run დატვირთული იყო მნიშვნელოვანი მომენტებით.

ზოგიერთი ყველაზე დასამახსოვრებელი მომენტი დასაწყისშივე მოხდა. ზურგის ტვინის დაზიანების მქონე პაციენტებმა დავიდ მზიმ და ხერტ-იან ოსკამმა სტარტის ხაზი სიარულით გადაკვეთეს შვეიცარიასა და ნიდერლანდებში. ეს სწორედ იმ კლინიკური ცდების დამსახურებით, რომელთაც Wings for Life-ის ფონდი აფინანსებს.

„დავიდის მონაწილეობა აჩვენებს, რომ ფონდისა და მხარდამჭერების ძალისხმევა ნამდვილად იძლევა შედეგს,“ - აღნიშნა კოლინ ჯექსონმა Wings for Life World Run-ის საერთაშორისო სპორტულმა დირექტორმა. „საჭიროა უფრო მეტი კვლევის ჩატარება, ვიდრე საბოლოო მიზანს მივაღწევთ და განკურნების საშუალებას მივაგნებთ, თუმცა გამორჩეული მეცნიერებისა და საკმაოდ მასშტაბური დაფინანსების კომბინაციის წყალობით, ჩვენ ცალსახად მიზანს ვუახლოვდებით.“

განსაკუთრებული მომენტები რბენის ბოლოსკენ გაგრძელდა, როდესაც რუსმა მონაწილეებმა ივან მოტორინმა და ნინა ზარინამ გამარჯვებას მიაღწიეს კაცისა და ქალის კატეგორიაში  და მსოფლიო ჩემპიონები გახდნენ დაძაბულ გარბენში, რაც ახალი, უფრო ჩქარი ფინიშის მანქანების დამსახურება იყო.

ღონისძიება საყურებლად სასიამოვნო გამოდგა. ავსტრალიაში, მელბურნში ათასობით თავზე დასამაგრებელი ნათურა ანათებდა. გერმანიის ქალაქ ბად-რეიხენჰოლში აპლიკაციით ორგანიზებულ რბენაში მონაწილეებმა მსოფლიო რბენის ისტორიაში, პირველად სცადეს ვერტიკალურ სამთო ბილიკებზე სირბილი. ტრინსში, ავსტრიაში, საინტერესო მონაწილეები ვიხილეთ, მათ შორის ისეთი სპორტსმენები, როგორებიც არიან ვარსკვლავი ტრამპლინიდან ხტომაში გრეგორ შილერენზაუერი და სათხილამურო ორჭიდის ლეგენდა კლაუს სულზენბახერი.   

ამინდმაც არ დაგვტოვა სიურპრიზების გარეშე. იტალიაში გათოვდა! როგორ შეიძლება დავივიწყოთ კოსტიუმები? მათ შორის, შეხვდებოდით კომიქსის გმირებს, ლომს, მეკობრეებს, „მონაზვნებს“ და უამრავ ადამიანს ბალერინას კაბით. გარდა ამისა, 3 300-ზე მეტი გუნდი გაერთიანდა და მათი მეგობრული სულისკვეთება ყველას გადაედო. ჰაერში სიყვარულის სუნიც დატრიალდა, რადგანაც მიუნხენში, გერმანიაში წყვილი დაინიშნა, ხოლო აშშ-ში, ქალაქ სანრაიზში მეორე წყვილმა იქორწინა.

სასიამოვნო სანახავი იყო ფინიშის მანქანებიც, მათ შორის ისეთები, რომელთაც დაკარის რალის გამარჯვებული მატიას უოკნერი და ფორმულა ერთის ლეგენდა დავიდ კულჰარდი მართავდნენ. გიგანტურ სლალომში ამჟამინდელი მსოფლიო ჩემპიონი, ნორვეგიელი ჰენრიკ კრისტოფერსენი მსოფლიო რბენის აპლიკაციის ვირტუალურ ფინიშის მანქანას „მართავდა“, ხოლო მსოფლიოს ორგზის ჩემპიონმა არონ ანდერსონმა მაყურებლები თავისი ახალი როლით, შეჯიბრის კორესპონდენტობით მოხიბლა.

საერთო ჯამში, Wings for Life World Run-ის მონაწილეები შესაძლებელს ხდიან 60 მნიშვნელოვანი კვლევითი პროექტის გაგრძელებას მხოლოდ და მხოლოდ 2019 წელს. მათ შორის, ისეთი კლინიკური ცდების, რომლებიც მზისა და ოსკამს დაეხმარა, რათა მრავალი წლის შემდეგ პირველად გაევლოთ ფეხზე.

მარკ ჰერემანსმა, Wings for Life World Run-ის ეტლით მოსარგებლეთა სპორტულმა დირექტორმა, აღნიშნა: „ჩვენი მიზნისაკენ გზაზე, ყოველი ნაბიჯი და ყოველი შემოწირულობა მნიშვნელოვანია. ამიტომაც, გვინდა, რომ მადლობა გადავუხადოთ ყველას, მათი მხარდაჭერისათვის და მცდელობისათვის, ექციათ ეს დღე დასამახსოვრებლად.“

მეშვიდე Wings for Life World Run 2020 წლის 3 მაისს, კვირა დღეს დაბრუნდება. დარეგისტრირდით!