„უფრო მამაცი ხარ, ვიდრე გგონია“
სემ ბლუმს, რომელიც ცნობილი ფილმის ინსპირაციაა, გასწავლით როგორ უნდა გადალახოთ ცხოვრებისეული დაბრკოლებები.
8 წლის წინ, ავსტრალიელი ექთანი ცხოვრებით ტკბებოდა, ზრდიდა სამ ვაჟს და ქმართან ერთად საერთო ჰობით, სერფინგით იყო დაკავებული.
დღეს ის სპორტულ ტიტულებს ფლობს და იმ ფილმის მთავარი ინსპირაციაა, რომელშიც ნაომი უოთსი მონაწილეობს. სემ ბლუმმა დაამარცხა დეპრესია მკერდს ქვემოთ პარალიზების შემდეგ.
მსოფლიომ შეიტყო როგორ შეიცვალა სემის ცხოვრება მას მერე, რაც გაუმართავი მოაჯირიდან გადავარდა ოჯახური არდადეგების დროს. ღრმა დეპრესიიდან ის დაჭრილ კაჭკაჭზე ზრუნვამ გამოიყვანა.
იუმორისტული თხრობის მიუხედავად, ფილმი არ გაურბის ინციდენტის შემდეგ, სემის ცხოვრების მტკივნეულ შედეგებს: პარაპლეგიას, ნერვის ტკივილს, ბრაზს, სევდას, დანაშაულის შეგრძნებას...
სემი იხსენებს: „ ბავშვები ავად იყვნენ, მესმოდა როგორ ეძახდნენ მამას და არა მე. ვიწექი და ვტიროდი, რადგან ადგომა და დახმარება არ შემეძლო. ნაომი ამას კარგად გადმოსცემს „რა ვარ, თუკი არ ვარ დედა?“
იმედი და ინსპირაცია
ფილმი ოპტიმისტურად სრულდება, მაგრამ არა სრულყოფილი ბედნიერი დასასრულით. სემს ისევ სურს ძველი ცხოვრება, მაგრამ ახალსაც ეგუება. მისმა ისტორიამ ბევრი შთააგონა, ბევრი შეკითხვა მიიღო და გამოცდილებასაც სიამოვნებით აზიარებს:
„მსურს ხალხმა გაიაზროს ოჯახის, სიყვარულის და ბუნების ძალა,“- ამბობს ის. „როგორ გეხმარებიან ისინი ცუდი ფიქრებისგან განთავისუფლებაში. განსაკუთრებით მაშინ, როცა ზურგის ტვინი გაქვს დაზიანებული. მათ გამო პოულობ ცხოვრების მიზანს და იმას, რაც გიყვარს. როცა მოწყენილი ხარ, ყოველთვის ნეგატივზე კონცენტრირდები“.
სემისთვის ეს მიზანი სპორტია. მან მსოფლიო ჩემპიონის ტიტული პარა სერფინგის ჩემპიონატში ორჯერ მოიპოვა და ასევე, ფლობს პარა კანოისტის ეროვნული ჩემპიონის ტიტულს.
სემი ფიქრობს, რომ ხალხმა მისი ამბიდან აი, ეს უნდა გაითავისოს „თქვენ უფრო მამაცები ხართ, ვიდრე გგონიათ. ყოველთვის არის იმედი, არასდროს დანებდეთ.“
განკურნების გზა
სემი Wings for Life World Run-ის ამბასადორია, პროექტის, რომელიც აგროვებს თანხას ზურგის ტვინის დაზიანების განკურნების გზების საძიებლად. ის 9 მაისს ეტლით მიიღებს მონაწილეობას და ასევე გეგმავს გუნდის შექმნასაც.
„ შესანიშნავია, ძალიან სახალისოა. აპლიკაციით ნებისმიერი ადგილიდან შეძლებთ ჩართვას, მაგრამ მიუხედავად ამისა, მაინც იქნებით გუნდის წევრი,“ -ამბობს ის. „ერთ დღეს, მართლა იპოვიან ზურგის ტვინის დაზიანების განკურნების გზას და წარმოიდგინეთ, მილიონობით ადამიანის ცხოვრება შეიცვლება!“
შეუერთდი სემს და Wings for Life World Run-ის მსოფლიო საზოგადოებას აქ.
